అమరావతి : ప్రిన్స్‌ మహేష్‌ బాబు పుట్టిన రోజు వేళ …. నేడు మురారి, ఒక్కడు సినిమాలను వరల్డ్‌ వైడ్‌గా రీరిలీజ్‌ చేశారు. రెండు తెలుగు రాష్ట్రాలలోని థియేటర్లలో మహేష్‌ అభిమానుల సందడి నెలకొంది. అయితే …. మురారి సినిమా ప్రదర్శిస్తున్న సమయంలో ఓ వినూత్న ఘటన జరిగింది. ప్రత్యేకంగా మురారిలోని పాటలు అన్నీ సూపర్‌ హిట్‌. మరి ముఖ్యంగా ‘అలనాటి రామచంద్రుడు’ పాట ఎంతో ఫేమస్‌. ఎక్కడ పెళ్లి జరిగినా ఈ పాట తప్పనిసరిగా ప్లే అవుతుంది. కాగా మురారి రీరిలీజ్‌ అయిన ఓ థియేటర్‌ లో ఓ ప్రేమ జంట అలనాటి రామచంద్రుడు పాటలో సోనాలి, మహేష్‌ మాదిరి పెళ్లి చేసుకున్నారు. ఇహ ఆ థియేటర్‌ అంతా సందడి చేసింది. ఆ ప్రేమ జంట పెళ్లిని ఫ్యాన్స్‌ కెమెరాలో షూట్‌ చేసి సోషల్‌ మీడియాలో పోస్ట్‌ చేయడంతో వైరల్‌ గా మారింది. అలాగే కొన్ని థియేటర్స్‌ లో అక్షింతలు కూడా చల్లుకుంటూ, స్వీట్లు పంచిపెడుతూ, డ్యాన్సులు వేస్తూ ఫ్యాన్స్‌ సందడి చేస్తున్నారు.
‘అలనాటి రామచంద్రుడు’ పాట వస్తుండగా… థియేటర్లోనే ప్రేమజంట పెళ్లి…!
తాజా వార్తలు
