Jul 03,2022 17:50

ప్లాస్టిక్‌ .. ప్లాస్టిక్‌ .. ప్లాస్టిక్‌
ఎవరికి లాభం , దేనికి లాభం
భువికి , జీవికి అపార నష్టం
ప్లాస్టిక్‌ ను మానకపోతే కష్టం
ప్రత్యామ్నాయం ఎంతో అభీష్టం

కాగితపు సంచులతో
కడలి జీవికి కాంతులు ...
జనపనార సంచులతో
జగతికి , జనతకు జేజేలు ...
బట్ట సంచులతో
భూమికి బలమైన పునాదులు ...

అరటాకుల్లో భోజనాలు
ఆరోగ్యానికి ఔషధ గుణాలు
మోదుగ విస్తరాకుల్లో విందులు
మానవ మనుగడకు పసందులు

ప్లాస్టిక్‌ వస్తువులతో ప్రమాదం !
ప్రకృతి వస్తువులతో ప్రమోదం !!
మన మార్పే భవితకు ప్రసాదం !!!
 

- బోనగిరి పాండు రంగ
తొర్రూరు.