Aug 17,2022 15:19

యూజర్ల అభిరుచికి తగ్గట్లుగా ఎంటర్‌టైన్‌మెంట్‌ సంస్థలు స్ట్రీమింగ్‌ సేవలను ప్రారంభిస్తున్నాయి. ఈ నేపథ్యంలో యూట్యూబ్‌ కూడా కొత్తగా వీడియో స్ట్రీమింగ్‌ కోసం ఆన్‌లైన్‌ స్టోర్‌ను తీసుకురానుంది. ఓటీటీ తరహాలో వీడియో స్ట్రీమింగ్‌ సేవల కోసం యూట్యూబ్‌ ఆన్‌లైన్‌ స్టోర్‌ను ప్రారంభించనున్నట్లు సమాచారం. ఏడాదిన్నర కాలంగా వీడియో స్ట్రీమింగ్‌ సేవలకు సంబంధించి పనులు జరుగుతున్నాయని, త్వరలోనే ఈ సేవలను యూజర్లకు పరిచయం చేస్తారని.. రోకు, యాపిల్‌ వంటి సంస్థలు ఇందులో భాగస్వామ్యం కానున్నాయని టెక్‌ వర్గాలు చెబుతున్నాయి.
కొద్ది కాలం క్రితం యూట్యూబ్‌ పెద్ద వీడియోల నుంచి సులువుగా షార్ట్స్‌ చేసుకునేందుకు వీలుగా కొత్త ఫీచర్‌ను పరిచయం చేసింది. దీంతో కంటెంట్‌ క్రియేటర్స్‌ పెద్ద వీడియోల నుంచి 60 సెకన్ల కన్నా తక్కువ నిడివితో షార్ట్స్‌ క్రియేట్‌ చేయొచ్చు. ఈ ఫీచర్‌ ద్వారా క్రియేట్‌ చేసిన షార్ట్స్‌కు కంటెంట్‌ డెవలపర్‌ ఎక్కువ నిడివి ఉన్న వీడియో లింక్‌ను యాడ్‌ చేయొచ్చు. దాంతో షార్ట్స్‌ పూర్తయిన వెంటనే ఒరిజినల్‌ వీడియోకు వ్యూయర్‌ను రీడైరెక్ట్‌ చేస్తుందని యూట్యూబ్‌ తెలిపింది.