ప్రజాశక్తి-బేస్తవారిపేట : బేస్తవారిపేట ఏబీఎం చర్చి కాంపౌండ్‌ పరిధిలోని సీఎన్‌ఎం హైస్కూల్‌ తెలుగు బాప్టిస్ట్‌ ఫీల్డ్‌ చర్చికి సంబంధించిన క్రైస్తవ ఆస్తుల క్రయవిక్రయాలు జరపటం నేరమని, గతంలో చేసిన రిజిస్ట్రేషన్లు చెల్లవని మద్రాస్‌ హైకోర్టు సిఎస్‌ నెంబర్‌ 124/1994లో తీర్పును అప్పట్లో వెలువరించింది. ఆ తీర్పు ప్రకారం బేస్తవారిపేట రెవెన్యూ పరిధిలోని 41,42,43, 44,45,46, 47,48,49,50 సర్వే నెంబర్లు, పూసలపాడు రెవెన్యూ పరిధిలోని సర్వే నెంబర్‌ 96/1 లలో క్రయవిక్రయాలు జరగకుండా, ఆ స్థలాల్లో ఎటువంటి కట్టడాలు జరపకుండా చర్యలు తీసుకోవాలని శనివారం కొందరు బేస్తవారిపేట తహశీల్దార్‌ జితేంద్రకుమార్‌కు వినతిపత్రం అందజేశారు. ఈ కార్యక్రమంలో అడ్వకేట్‌ చిలకా చంద్రశేఖర్‌, గంగవరపు భాస్కర్‌రావు, దయానంద్‌, భాస్కర్‌, కంభం ఫీల్డ్‌ పరిరక్షణ కమిటీ సభ్యులు తోటకూర విక్టర్‌, చల్లగాలి జోసెఫ్‌, కువ్వారపు శామ్యూల్‌, చిట్టెం సైమన్‌ పీటర్‌, చల్లగాలి విక్టర్‌, మట్టేమల్ల రాజేంద్ర, మట్టేమళ్ల దానం తదితరులు పాల్గొన్నారు.
తాజా వార్తలు
