ప్రజాశక్తి-కపిలేశ్వరపురం (కోనసీమ) : మండలంలోని మాచర జడ్పీ ఉన్నత పాఠశాల విద్యార్థులు ఈనెల 7న పాఠశాలలో జరగనున్న తల్లిదండ్రులు, ఉపాధ్యాయులు, సమావేశానికి ఆహ్వాన పత్రికలను ఆకర్షణీయంగా తయారు చేశారు. ఈ సమావేశానికి తమ తల్లిదండ్రులను ఆహ్వానించేందుకు స్వయంగా విద్యార్థులే ఈ పత్రికలను తీర్చిదిద్దారు. దీంతో పాఠశాలలో సందడి నెలకొంది. ఆహ్వాన పత్రికలను తయారుచేసిన విద్యార్థులను పాఠశాల హెచ్ఎం రమాదేవి, ఉపాధ్యాయ సిబ్బంది, అభినందించారు. ఈ ఆహ్వాన పత్రికలను విద్యార్థులే వారి తల్లిదండ్రులకు అందజేయనున్నట్లు వారు తెలిపారు.
తాజా వార్తలు
