స్వచ్ఛత హీ సేవ కార్యక్రమానికి ట్రిపుల్ ఐటీ విద్యార్థులు

ప్రజాశక్తి-నూజివీడు టౌన్ : రాజీవ్ గాంధీ వైజ్ఞానిక సాంకేతిక విశ్వవిద్యాలయం, నూజివీడు నేషనల్ సర్వీస్ స్కీమ్(NSS) లో భాగంగా 200 మంది వాలంటీర్స్ కలిగిన యూనిట్-3 & యూనిట్-07 బృందం “స్వచ్ఛతాహి సేవా” కార్యక్రమానికి ఎంపికైనందుకు వాలంటీర్లు అందరూ ఆనందం వ్యక్తంచేశారు. ఈ కార్యక్రమంలో భాగంగా సెప్టెంబర్ 17 నుండి అక్టోబర్ 2 వ తేదీ వరకు ప్రతిరోజు వివిధ కార్యక్రమాల్లో పాల్గొంటామని తెలిపారు. ఈ సందర్బంగా NSS UNIT-03&NSS UNIT-07 వాలంటీర్స్ క్యాంపస్ గేట్ దగ్గర నుండి యానడుల కొలనీ వరకు ర్యాలీగా వెళ్లి పర్యావరణ పరిశుభ్రత గురించి, ప్లాస్టిక్ నిషేదం, డ్రైనేజీలు పరిశుభ్రత మరియు మొక్కులు నాటడం మీద ఆవశ్యకతను తెలియచేసారు. యానాదుల కొలనీ లోని స్కూల్ చుట్టూ ప్రక్కలా పిచ్చి మొక్కలను తీసి, మొక్కలు నాటడం “స్వచ్ఛతాహి సేవా” కార్యక్రమాన్ని ద్వారా చేపట్టినట్లు ఎన్.ఎస్.ఎస్ విభాగ సమన్వయ కర్త శ్రావణి కనక కుమారి తెలిపారు. ఈ కార్యక్రమంలో క్యాంపస్ లోని NSS ప్రోగ్రాం బొత్స శ్రీనివాసరావు మరియు జాజుల మధు పాల్గొని వారి యూనిట్లలోని NSS వాలంటీర్ల చే ఈ కార్యక్రమాన్ని నిర్వహించారు. ఈ కార్యక్రమంలో పీ.ఆర్.వో సురేష్ బాబు పాల్గొన్నారు. ఈ కార్యక్రమాన్ని నిర్వహించిన NSS విభాగాన్ని డైరెక్టర్ ఆచార్య అమరేంద్ర కుమార్ , ఏవో లక్ష్మణరావు, అభినందించారు.