పార్వతీపురం : గరుగుబిల్లి మండలం ఉల్లిభద్రలో ఏర్పాటు చేసిన ధాన్యం కొనుగోలు కేంద్రాన్ని (పీపీసీ) జాయింట్‌ కలెక్టర్‌ ఎస్‌ఎస్‌ శోబిక శనివారం ఉదయం ఆకస్మిక తనిఖీ చేశారు. కేంద్రంలో నిర్వహిస్తున్న రికార్డులను ఆమె పరిశీలించి గ్రామ వ్యవసాయ సహాయకులకు, రైతు సేవా కేంద్రం సిబ్బందికి ధాన్యం కొనుగోళ్లలో చేపట్టాల్సిన అంశాలపై పలు సూచనలు, మార్గదర్శకాలను జారీచేశారు. గోదామును తనిఖీ చేసిన జెసి గరుగుబిల్లి మండలం సుంకిలోని బఫర్‌ గోడౌన్‌ ( గోదాం)ను ఆకస్మిక తనిఖీ చేశారు. గోదాములో ఉంచిన బస్తాలను రికార్డుల ప్రకారం ఉన్నదీ, లేనిదీ ఆమె పరిశీలించి పలు సూచనలు చేశారు. ఈ పర్యటనలో సబ్‌ కలెక్టర్‌ అశుతోష్‌ శ్రీవాస్తవ, జిల్లా వ్యవసాయ శాఖాధికారి కె.రాబర్ట్‌ పాల్‌, ఇతర అధికారులు తదితరులు పాల్గొన్నారు.
తాజా వార్తలు
