పెనుకొండలో అమానుషం..!

దాడి చేసి కత్తిరించిన జుట్టును చూపుతున్న బాధిత మహిళ వెంకటలక్ష్మి

ప్రజాశక్తి-పెనుకొండ

శ్రీ సత్యసాయి జిల్లా పెనుకొండ మండలంలో అమానుష ఘటన చోటు చేసుకుంది. ప్రేమ జంటకు సహకరించిందన్న కారణంతో ఓ వివాహితను వివస్త్రను చేసి జుట్టు కత్తిరించారు. ఈ సంఘటన పెనుకొండ మండలం మునిమడుగులో బుధవారం చోటుచేసుకుంది. బాధితురాలు పోలీసులకు తెలిపిన మేరకు ఇందకు సంబంధించిన వివరాలు ఇలా ఉన్నాయి… మునిమడుగు గ్రామంలో ఇటీవల ఓ ప్రేమ జంట ఇల్లు వదలి పారిపోయారు. వీరు ఇంటి నుంచి వెళ్లిపోయేందుకు అదే గ్రామంలో నివాసముంటున్న బోయ వెంకటలక్ష్మి సహకరించదనే నెపంతో ప్రేమికురాలి తల్లిదండ్రులు, బంధువులతో పాటు దాదాపు 22 మంది ఆమె ఇంటిపై దాడి చేశారు. దాడి చేసి చీర లాగి, జుట్టు కత్తిరించారని బాధితురాలు వెంకటలక్ష్మి వాపోయింది. దాడిలో గాయపడిన వెంకటలక్ష్మిని పెనుగొండ ప్రభుత్వ ఆసుపత్రిలో ప్రథమ చికిత్స అందించారు. ఘటనపై బాధితురాలి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు కియా ఇండిస్టియల్‌ పోలీస్‌ స్టేషన్‌ ఎస్‌ఐ రాజేష్‌ తెలిపారు.

➡️