ప్రజాశక్తి – ఆలమూరు (కోనసీమ) : మండల కేంద్రంలోని స్థానిక పోలీస్‌ స్టేషన్‌ సమీపంలో ప్రముఖ పారిశ్రామిక వేత్త రావాడ సత్యనారాయణమూర్తి (సత్తిబాబు) శ్రీవినాయక కన్వెన్షన్‌ హాల్‌ నిర్మించి బుధవారం ప్రముఖుల మధ్య ప్రారంభించారు. ఈ సందర్భంగా ఆయన మాట్లాడుతూ ఎన్నో వ్యయ ప్రయాసలకు ఓర్చి వినియోగదారులకు అన్ని వసతులతో కూడిన కన్వెన్షన్‌ హాల్ను నిర్మించి అందుబాటులోకి తీసుకుని వచ్చినట్లు తెలిపారు. పలువురు శ్రేయోభిలాషులు ఈ స్థలాన్ని ప్లాట్‌ లుగా చేసి విక్రయిస్తే మంచి లాభాలు వస్తాయని చెప్పారన్నారు. అయినా పలువురికి వినియోగంగా ఉండేలా ఏదైనా నిర్మించాలని సంకల్పించి, విజ్ఞుల సూచనలతో ఈ కన్వెన్షన్‌ నిర్మాణం చేసినట్లు సత్తిబాబు స్థానిక విలేకరులకు తెలిపారు. ఈ కార్యక్రమానికి నియోజకవర్గ స్థాయి ప్రముఖులే కాకుండా వివిధ జిల్లాలకు చెందిన ప్రముఖులు, శ్రేయోభిలాషులు పెద్ద ఎత్తున హాజరై సత్తిబాబును అభినందించారు. అనంతరం కళ్యాణ హాలులో కుటుంబ సమేతంగా సత్తిబాబు శ్రీవెంకటేశ్వరస్వామి కళ్యాణ మహౌత్సవాన్ని ఘనంగా నిర్వహించి పలువురికి ఆదర్శంగా నిలిచారు.
తాజా వార్తలు
