హీరో రామ్‌చరణ్‌ నటించిన సినిమా ‘గేమ్‌ఛేంజర్‌’. ఈ సినిమా డిసెంబర్‌ 25న క్రిస్మస్‌ సందర్భంగా విడుదల చేస్తామని మేకర్స్‌ ఇప్పటికే ప్రకటించారు. చిరంజీవి నటిస్తున్న సినిమా ‘విశ్వంభర’ ఈ సినిమా వచ్చే ఏడాది సంక్రాంతికి విడుదల కానుందని ఆ సినిమా మేకర్లు ప్రకటించారు. అయితే ఇప్పటికే పలుసార్లు ‘గేమ్‌ఛేంజర్‌’ సినిమా వాయిదా పడుతూ వస్తోంది. తాజాగా మళ్లీ వాయిదా పడుతుందనే ఊహాగానాలు ఇండ్రస్టీలో చక్కెర్లు కొడుతున్నాయి. స్టార్‌ డైరెక్టర్‌ శంకర్‌ ఈ సినిమాను రూపొందిస్తున్న విషయం తెలిసిందే. ఒకవేళ మళ్లీ ‘గేమ్‌ ఛేంజర్‌’ వాయిదా పడితే సంక్రాంతి బరిలోకి దిగుతుందనే చర్చ కూడా కొనసాగుతోంది. ఇదే జరిగితే వశిష్ట దర్శకత్వంలో రూపుదిద్దుకుంటున్న ‘విశ్వంభర’ సంక్రాంతి బరి నుంచి తప్పుకుంటుందనే ఊహాగానాలు పలువురి నుంచి వ్యక్తమవుతున్నాయి.
తాజా వార్తలు
