రామ్‌చరణ్‌, బుచ్చిబాబు కాంబినేషనల్లో వస్తోన్న ‘ఆర్‌సి-16’ చిత్రంలో బాలీవుడ్‌ వెబ్‌ సిరీస్‌ ‘మీర్జాపూర్‌’తో ఇండియన్‌ వైడ్‌గా ఫ్యాన్‌ ఫాలోయింగ్‌ పెంచుకున్న దివ్యేందు శర్మ నటిస్తున్నట్లు తాజాగా చిత్రబృందం ప్రకటించింది. ప్రముఖ నిర్మాణ సంస్థ మైత్రీ మూవీ మేకర్స్‌ సమర్పణలో వృద్ధి సినిమాస్‌, సుకుమార్‌ రైటింగ్స్‌ బ్యానర్లపై ఈ చిత్రం రూపొందుతోంది. వెంకట సతీష్‌ కిలారు నిర్మిస్తున్నారు.
మైసూరులో షూటింగ్‌ ….
ఆర్‌ఆర్‌ఆర్‌ తో గ్లోబల్‌ సక్సెస్‌ను సాధించి ప్రపంచ వ్యాప్తంగా అభిమానులను, సినీ ప్రేక్షకులను మెప్పించిన గ్లోబల్‌ స్టార్‌ రామ్‌ చరణ్‌ ఇప్పుడు తన ఆర్‌సి 16 సినిమా షూటింగ్‌ను ప్రారంభించిన సంగతి తెలిసిందే. రీసెంట్‌గానే ఈ సినిమా షూటింగ్‌ను మైసూర్‌లో ప్రారంభించారు. తొలి చిత్రం ఉప్పెనతో బ్లాక్‌ బస్టర్‌ సాధించి అందరి దృష్టిని ఆకర్షించిన దర్శకుడు బుచ్చిబాబు సానా ఈ సినిమాను తెరకెక్కిస్తున్నారు. మైత్రీ మూవీ మేకర్స్‌, సుకుమార్‌ రైటింగ్స్‌ బ్యానర్స్‌ సమర్పణలో ఈ భారీ పాన్‌ ఇండియా సినిమాను వృద్ధి సినిమాస్‌ బ్యానర్‌పై వెంకట సతీష్‌ కిలారు నిర్మిస్తున్నారు. అనౌన్స్‌మెంట్‌ రోజు నుంచి అంచనాలు పెంచుతూ వస్తోన్న ఈ సినిమాను భారీ స్థాయిలో హై టెక్నికల్‌ వేల్యూస్‌తో అన్‌కాంప్రమైజ్డ్‌గా రూపొందిస్తున్నారు మేకర్స్‌.
ముఖ్య పాత్రలో జగపతిబాబు…
పాన్‌ ఇండియా సినిమాలోకి భారీ తారాగణం కూడా నటిస్తున్నారు. కరుణడ చక్రవర్తి శివరాజ్‌కుమార్‌ ఈ చిత్రంతో తెలుగు సినిమాల్లోకి ఎంట్రీ ఇస్తున్నారు. ఆయన చాలా పవర్‌ఫుల్‌ పాత్రలో మెప్పించబోతున్నారు. తాజాగా ఇప్పుడు బాలీవుడ్‌ యంగ్‌ సెన్సేషన్‌ దివ్యేందు ఇందులో కీలక పాత్రలో అలరించబోతున్నారు. మీర్జాపూర్‌లో మున్నాభారు పాత్రలో తనదైన నటనతో ప్రేక్షకులను మెప్పించిన దివ్యేందు ఆర్‌సి 16తో టాలీవుడ్‌ ఎంట్రీ ఇస్తుండటం విశేషం. అలాగే టాలీవుడ్‌ వెర్సటైల్‌ యాక్టర్‌ జగపతి బాబు ముఖ్య పాత్రలో మెప్పించనున్నారు.
సరికొత్త పాత్రలో దివ్యేందు
ఈ సందర్భంగా దర్శకుడు బుచ్చిబాబు దివ్యేందు పాత్రకు సంబంధించి స్పందిస్తూ తనకు ఆర్‌సి 16 ఎంతో ఇష్టమైన పాత్ర ఇదేనని పేర్కొంటూ తన లుక్‌ పోస్టర్‌ను విడుదల చేశారు. మెలి తిప్పిన మీసం, రగ్డ్‌ లుక్‌తో దివ్యేందు సరికొత్త పాత్రలో మెప్పించబోతున్నారని స్పష్టమవుతుంది.
ఎ.ఆర్‌.రెహమాన్‌ సంగీతం…
ఆర్‌సి 16 చిత్రానికి ఆస్కార్‌ విన్నర్‌ ఎ.ఆర్‌.రెహమాన్‌ సంగీతాన్ని అందిస్తున్నారు. బాలీవుడ్‌ బ్యూటీ క్వీన్‌ జాన్వీ కపూర్‌ ఇందులో కథానాయికగా మెప్పించనున్నారు. ఆర్‌.రత్నవేలు సినిమాటోగ్రఫీ అందించనున్న ఈ చిత్రానికి అవినాష్‌ కొల్ల ప్రొడక్షన్‌ డిజైనర్‌గా, ఏగన్‌ ఏకాంబరం కాస్ట్యూమ్‌ డిజైనర్‌గా వర్క్‌ చేస్తున్నారు.
నటీనటులు :
రామ్‌ చరణ్‌, జాన్వీ కపూర్‌, శివరాజ్‌ కుమార్‌, జగపతి బాబు, దివ్యేందు తదితరులు
సాంకేతిక నిపుణులు :
రచన, దర్శకత్వం: బుచ్చిబాబు సానా
సమర్పణ: మైత్రీ మూవీ మేకర్స్‌, సుకుమార్‌ రైటింగ్స్‌
బ్యానర్‌: వృద్ధి సినిమాస్‌
నిర్మాత: వెంకట సతీష్‌ కిలారు
మ్యూజిక్‌: ఎ.ఆర్‌.రెహమాన్‌
సినిమాటోగ్రఫీ: ఆర్‌.రత్నవేలు
ప్రొడక్షన్‌ డిజైనర్‌: అవినాష్‌ కొల్ల
కాస్ట్యూమ్స్‌ డిజైనర్‌: ఏగన్‌ ఏకాంబరం
పి.ఆర్‌.ఒ: నాయుడు సురేంద్ర కుమార్‌
మార్కెటింగ్‌: ఫస్ట్‌ షో
