కిరణ్‌ అబ్బవరం హీరోగా నటించిన పీరియాడికల్‌ యాక్షన్‌ థ్రిల్లర్‌ మూవీ ‘క’. గ్రామీణ నేపధ్యంలో సాగే ఈ చిత్రంలో నయన్‌సారిక, తన్వీరామ్‌ హీరోయిన్లుగా నటించారు. దర్శకద్వయం సుజీత్‌, సందీప్‌ తెరకెక్కించారు. చింతా వరలక్ష్మి సమర్పించారు. చింతా గోపాలరెడ్డి నిర్మించారు. తెలుగు, తమిళ, కన్నడ, మలయాళ భాషల్లో ఈ చిత్రం త్వరలోనే విడుదల కానుంది. ఈ సినిమాలోని ‘క మాస్‌ జాతర..’ పాట వీడియోను మేకర్లు విడుదల చేశారు. ‘ఆడు ఆడు ఆడు నిలువెల్లా పూనకమై ఆడు..ఆడు అమ్మోరే మురిసేలా ఆడు…ఆడు.. ఊరువాడ అదిరేలా ఆడు..’ వంటి లిరిక్స్‌్‌తో ఈ పాట సాగుతుంది. సానాపతి భరద్వాజ పాత్రుడు లిరిక్స్‌ అందించారు. మ్యూజిక్‌ డైరెక్టర్‌ సామ్‌ సీఎస్‌తో కలిసి దివాకర్‌, అభిషేక్‌ ఏఆర్‌ పాడారు. పొలాకి విజయ్ కొరియోగ్రఫీ అందజేశారు.
తాజా వార్తలు
