ప్రభాస్‌-నాగ్‌ అశ్విన్‌ కాంబోలో వచ్చిన బ్లాక్‌బస్టర్‌ హిట్‌ మూవీ ‘కల్కి 2898 ఏడీ’ జూన్‌ 27న విడుదలైంది. ప్రభాస్‌ భైరవ పాత్రలో మెప్పించారు. వైజయంతి మూవీస్‌ బ్యానర్‌లో సి.అశ్వనీదత్‌ ఈ సినిమాను నిర్మించారు. ఈ మూవీకి సీక్వెల్‌ ఉంటుందని ఇప్పటికే మేకర్లు ప్రకటించిన విషయం తెలిసిందే. తాజాగా సీక్వెల్‌కు సంబంధించిన అప్‌డేట్స్‌ను మేకర్లు ఇచ్చారు. ఇటీవల రష్యాలోని మాస్కోలో జరిగిన ఫిల్మ్‌ ఫెస్టివల్‌ వీక్‌లో నిర్మాతలు స్వప్నదత్‌, ప్రియాంకదత్‌ కూడా పాల్గొన్నారు. ఈవెంట్‌లో ‘కల్కి-2’ షూటింగ్‌కు సంబంధించి అప్‌డేట్‌ ఇచ్చారు. ఈ మూవీ షూట్‌ వచ్చే ఏడాది జనవరి లేదా ఫిబ్రవరిలో ప్రారంభించనున్నట్లు వెల్లడించారు. కల్కి మూవీని త్వరలోనే రష్యన్‌ భాషలోనూ రిలీజ్‌ చేయనున్నట్లు మేకర్లు ప్రకటించారు. ఈ చిత్రంలో కమల్‌హాసన్‌, అమితాబ్‌బచ్చన్‌, దీపికా పదుకొణె, దిశా పటానీ లాంటి స్టార్లు నటించిన విషయం తెలిసిందే. రాజమౌళి, రాంగోపాల్‌వర్మ, మృణాల్‌ ఠాకూర్‌; విజరుదేవరకొండ, దుల్కర్‌ సల్మాన్‌ లాంటి ప్రముఖులు అతిథి పాత్రల్లో మెరిశారు. ఈ మూవీలోని బుజ్జి కారుకు కీర్తి సురేశ్‌ వాయిస్‌ ఇచ్చారు. అయితే పార్టు-2లో కమల్‌హాసన్‌ పాత్ర ఎక్కువగా ఉంటుందని ఇప్పటికే నాగ్‌అశ్విన్‌ హింట్‌ ఇచ్చారు. దీంతో పార్టు-2 ఎలాంటి ఉంటుందనే ఆత్రృత ఇప్పటి నుంచే అభిమానుల్లో నెలకొంది.
తాజా వార్తలు
