లేడీ కమెడియన్‌గా కోవై సరళ తెలుగు, తమిళం, కన్నడ, మలయాళ భాషల్లో అనేక చిత్రాల్లో నటించారు. రెండు దశాబ్దాల పాటు ప్రేక్షకులను అలరించిన కోవై సరళ కొంతకాలంగా తెలుగు సినిమాలకు దూరమయ్యారు. అయితే తాజా సమాచారం ప్రకారం కోవై సరళ ఓ తెలుగు వెబ్‌ సీరిస్‌లో గ్రాండ్‌ ఎంట్రీ ఇస్తున్నారు. యువ హీరోయిన్‌ రీతూ వర్మ, శివ కందుకూరి జంటగా నటిస్తున్న ఈ వెబ్‌ సీరీస్‌ ‘దేవిక అండ్‌ డానీ’. ఈ సిరీస్‌కు సంబంధించిన ఫస్ట్‌ లుక్‌ ఇటీవలే రిలీజ్‌ అయింది. రీతూవర్మకు ఇదే మొదటి వెబ్‌ సీరిస్‌. ‘శ్రీకారం’ మూవీ ఫేమ్‌ బి. కిశోర్‌ ఈ వెబ్‌ సీరిస్‌ను తెరకెక్కించారు. అతనితోపాటు ఇందులో సూర్య వశిష్ఠ, సుబ్బరాజు, మౌనికా రెడ్డి, సోనియా సింగ్‌, చాగంటి సుధాకర్‌ తదితరులు కీలక పాత్రలు పోషించారు. జరు క్రిష్‌ దీనికి మ్యూజిక్‌ అందించారు. త్వరలో ఈ వెబ్‌ సీరిస్‌ జియో హాట్‌ స్టార్‌లో స్ట్రీమింగ్‌ కానుంది.
తాజా వార్తలు
