ముంబయి : బాలీవుడ్‌ స్టార్‌ హీరో సల్మాన్‌ ఖాన్‌ ను చంపేస్తామంటూ గ్యాంగ్‌స్టర్‌ లారెన్స్‌ బిష్ణోయ్ గ్యాంగ్‌ నుంచి గత కొంతకాలంగా హెచ్చరికలు వస్తున్న సంగతి తెలిసిందే. అయితే తాజాగా ఆయనకు మళ్లీ బెదిరింపులొచ్చాయి. ‘ సల్మాన్‌ ఇంట్లోకి చొరబడి కాల్పులు జరుపుతాం.. లేదంటే కారులో బాంబు పెట్టి పేల్చేస్తాం ” అంటూ … వర్లీ ట్రాన్స్‌పోర్ట్‌ డిపార్ట్‌మెంట్‌కు తాజాగా ఒక వాట్సాప్‌ సందేశం వచ్చింది. ఈ సమాచారం తెలుసుకున్న ముంబయి పోలీసులు వెంటనే అప్రమత్తమయ్యారు. దీనిపై కేసు నమోదు చేసి దర్యాప్తు ప్రారంభించారు. సందేశాన్ని పంపిన వ్యక్తిని కనిపెట్టే పనిలో ఉన్నారు. ఇటీవల సల్మాన్‌కు బెదిరింపులు ఎక్కువైన నేపథ్యంలో ప్రభుత్వం ఆయనకు వై ప్లస్‌ సెక్యురిటీని నియమించింది. ఈ క్రమంలోనే ఆయన భారీ భద్రత నడుమ షూటింగ్స్‌, పబ్లిక్‌ ఈవెంట్స్‌కు హాజరవుతున్నారు. తాజాగా మళ్లీ బెదిరింపు వచ్చింది.
తాజా వార్తలు
