‘అబద్ధమేవ జయతే’ సినిమా టైటిల్‌ వెరైటీగా ఉందని నటుడు కార్తికేయ అభినందించారు. సుశాంత్‌ యష్కీ, ప్రవణ్యారెడ్డి, మాస్టర్‌ వికాస్‌, మాస్టర్‌ భాను, విజయ కృష్ణా, వెంకీ లింగం ఈ సినిమాలో ప్రధాన పాత్రల్లో నటించారు. కె.కార్తికేయన్‌ సంతోష్‌ దర్శకత్వం వహించారు. పర్పుల్‌ ఫిల్మ్‌ ఫ్యాక్టరీ బ్యానర్‌పై కొండా సందీప్‌, అభిరామ్‌ అలుగంటి సంయుక్తంగా నిర్మిస్తున్నారు. ఈ సినిమా టైటిల్‌ లోగోను కార్తికేయ విడుదల చేసి చిత్ర యూనిట్‌ను అభినందించారు. సరికొత్త కథతో తెరకెక్కుతున్న ఈ చిత్రం మంచి విజయాన్ని సాధించాలని ఆకాంక్షిం చారు. చిత్ర యూనిట్‌కు ఆల్‌ ది బెస్ట్‌ తెలిపారు. గ్రామీణ ప్రాంత నేపధ్యంలో రూపొందిస్తున్న ఈ చిత్రంలో 20 ఏళ్ల క్రితం ఉన్న సెట్‌ ప్రత్యేక ఆకర్షణగా ఉండబోతుందని మేకర్లు తెలిపారు. మ్యూజిక్‌ డైరెక్టర్‌ పవన్‌ ఈ సినిమాకు సంగీతాన్ని అందిస్తున్నారు. వికాస్‌ చిక్‌ బల్లాపూర్‌ కెమెరామెన్‌గా, షాడో ఎడిటర్‌గా పనిచేస్తున్నారు. సూరారం, వేములవాడ, వికారాబాద్‌, రాజమండ్రి, కాకినాడ తదితర ప్రాంతాల్లో ఈ సినిమా షూటింగ్‌ పూర్తయ్యింది. వచ్చే ఏడాది ఫిబ్రవరిలో ఈ సినిమాను విడుదల చేయటానికి ఏర్పాట్లు చేస్తున్నా మని మేకర్లు ప్రకటించారు.
తాజా వార్తలు
