ఎండకు ఎన్ని నీళ్లు తాగినా…చెమట రూపంలో ఎన్నో లవణాలు బయటకు పోయి నీరసం వస్తుంది. అదే రోజుకు నాలుగు, ఐదు ఎండు ఖర్జూరం తింటే పోయిన లవణాలు తిరిగి వస్తాయి. దీనిలో అనేక పోషకాలు ఉన్నాయి. ఖర్జూరంలో వివిధ ఆరోగ్య ప్రయోజనాలు ఉన్నాయి.
- కొలెస్ట్రాల్‌ను తగ్గించి బరువును నియంత్రించడంలో ఇవి ఎంతో సహాయపడతాయి.
- యాంటీ ఆక్సిడెంట్లు అధికంగా ఉన్నాయి. ఇవి రక్త కణాలను ఫ్రీ రాడికల్స్‌ నుంచి రక్షిస్తాయి. గుండె ఆరోగ్యానికి చాలా మేలు చేస్తుంది. ఇది కంటి సంబంధిత రుగ్మతల ప్రమాదాన్ని కూడా తగ్గిస్తుంది.
- ఖర్జూరంలో ఫ్లేవనాయిడ్స్‌ ఉన్నాయి. ఇవి మధుమేహం, అల్జీమర్స్‌ వ్యాధి, కొన్ని రకాల క్యాన్సర్‌ ప్రమాదాన్ని తగ్గిస్తాయి.
- ఖర్జూరంలో రాగి, సెలీనియం, మెగ్నీషియం పుష్కలంగా ఉంటాయి. ఇవి ఎముకలను ఆరోగ్యంగా ఉంచుతాయి. ఎముక సంబంధిత రుగ్మతలను నివారిస్తుంది.
- ఖర్జూరంలో విటమిన్‌ కె సమృద్ధిగా ఉంటుంది. ఇది రక్తం గడ్డకట్టడాన్ని నియంత్రించడంలో సహాయపడుతుంది.
- ఖర్జూరంలో కోలిన్‌, విటమిన్‌ బి ఉన్నాయి. ఇది గ్రహణశక్తి, జ్ఞాపకశక్తిని మెరుగుపరుస్తుంది. ముఖ్యంగా అల్జీమర్స్‌ వ్యాధి ఉన్న వారు వీటిని తింటే మంచి ఫలితం ఉంటుంది.
