సంక్రాంతి పండగ వచ్చింది
సెలవులు మెండుగా తెచ్చింది
పంట దిగుబడి ఇంటికి చేరు
రైతు ముఖాల్లో కాంతులు చూడు
కొత్త అల్లుళ్ల సందడులు
కొంటె మరదళ్ళ అల్లర్లు
చల్లదనం చుట్టూ ముట్టింది
భోగి మంటలేద్దాం రారండి
గంగిరెద్దుల విన్యాసం
రంగవల్లుల వైభోగం
కొత్త బట్టల ఆనందం
పిల్లలందరికి ఆహ్లాదం
పిండి వంటల ఘుమ ఘుమలు
కోడి పందేల సందడులు
గాలిపటాలను ఎగరేద్దాం
ఆకాశంలో హాయిగా విహరిద్దాం!
– ఏడుకొండలు కళ్ళేపల్లి, మచిలీపట్నం,
94908 32338.
