జీబ్రా క్రాసింగ్‌ చారలు
నలుపు తెలుపు గీతలు
రోడ్డు దాటువారికి
పాదచారులకు రక్షణ దారులు
పాఠశాలలు కూడళ్ల చెంత
ఉండు స్పష్టమైన దృశ్యమానత
అక్కడ రోడ్డు దాటుట భద్రత
పాదచారులు చారల గుర్రమెక్కినంత
జీబ్రా ఆల్జీబ్రా కాదు
గుణకార కూడికల లెక్క కాదు
రోడ్డు అటు ఇటు దాటువారు
రోడ్డుకు సమానమే వారందరు
జీబ్రా క్రాసింగ్‌ రంగులు
చీకట్లో వెలుగు ఆధునిక హంగులు
డిజిటల్‌ సిగలింగ్‌ లైటింగ్‌లు
కన్ఫ్యూజన్‌ లేకుండా క్రాసింగ్‌లు
అక్షాంశ రేఖాంశాలైన రహదారులు
అదుపు లేని వేగాల వాహనాలు
అరక్షణమైన ఆగలేని ఆత్రుతలు
అరికట్టలేని రోడ్డు ప్రమాదాలు!
కిక్కిరిసిన నేటి రహదారులు
పాదచారులకు పగలే చుక్కలు
రోడ్డు దాటాలంటే మహాచిక్కులు
ఎక్కలేరు పెద్దవారు పై వంతెనలు
జీబ్రా చారలు ,సిగల్స్‌ లేని చోట
పగలైన రాత్రైనా రోడ్డు దాటుట
ప్రాణాలతో చెలగాటమాడుట
పద్మవ్యూహం నుంచి బయటపడుట!
– పి.బక్కారెడ్డి,
97053 15250.
