Aug 05,2022 15:53

బీజింగ్‌ :  జి 7 దేశాలకు చెందిన విదేశాంగ మంత్రులు విడుదల చేసిన ప్రకటనలో కెనడా పాల్గొనడంపై  చైనా మండిపడుతోంది. ఈ మేరకు కెనడా దౌత్యవేత్త జిమ్‌ నికెల్‌కి నోటీసులిచ్చినట్లు చైనా విదేశాంగ మంత్రిత్వశాఖ తెలిపింది. తైవాన్‌ జలసంధి చుట్టూ ఉన్న ఉద్రిక్తతను శాంతియుత పద్ధతిలో పరిష్కరించుకోవాల్సిందిగా జి 7  దేశాలు పిలిపునిచ్చిన సంగతి తెలిసిందే.

దీంతో బీజింగ్‌ తాజాగా కెనడా పై ఈ విధమైన దౌత్యపరమైన బెదిరింపులకు దిగింది. ఈ మేరకు చైనా డిప్యూటి విదేశాంగ మంత్రి క్సీ ఫెంగ్‌ కెనడా దౌత్యవేత్త నికెల్‌ని పిలిపించి...తైవాన్‌ విషయమై కెనడా తక్షణమైన తన తప్పులను సరిదిద్దుకోవాలని హెచ్చరించింది. అలా కాకుంటే జరబోయే పరిణామాలను భరించాల్సిం వస్తుందంటూ స్ట్రాంగ్‌ వార్నింగ్‌ ఇచ్చింది.