పుస్తకం ఎంత అద్భుతమైందీ?
చెట్టుతో తయారైన ఒక బల్ల పరుపు వస్తువు
సులభంగా అటూ ఇటూ కదలగలిగే విచిత్రం
తెల్లటి ఒంటి మీద కొన్ని గజిబిజి ఆకారాలు
అద్దుకుని… నీ కోసం ఎదురు చూసే వస్తువు
ఒకే ఒక్క చూపు చూస్తే చాలు-
నువ్వు మరొకరి మొదడులోకి
నేరుగా ప్రవేశించగలవు –
ఆ మరొకరు బహుశా….
వేల ఏళ్ళ క్రితమే కన్ను మూసినవారు కావొచ్చు.
వేల ఏళ్ళ తర్వాత కూడా, కొందరు రచయితలు
నిశ్శబ్దంగా, స్పష్టంగా నీ తలలో
మాట్లాడుతున్నారూ అంటే,
రాయడం అనేది మానవుడి
ఆవిష్కరణలలో ఎంత గొప్పదీ?
ఎంత సున్నితమైందీ? ఎంత సుందరమైందీ?
నీ పరిచితులని, అపరిచితులని
వేల వేల యుగాల్లో
వేరు వేరు దేశాల్లో
ఉన్న వాళ్ళందరినీ ఒక్కటిగా కలిపేది!
కాలం అడ్డు గోడల్ని ధ్వంసం చేసేది!!
మానవ మేధకు ఒక ఉదాహరణ – పుస్తకం!
మనిషి మహాద్భుతాలు సాధించాడనడానికి,
ఒక రుజువు!!
– డా|| దేవరాజు మహారాజు
