నాకు ఓరోజు ఉందన్న చిరు ఆశే
ఎన్నో గండాల నుంచి గట్టెక్కిస్తుంది
నేనూ చేయగలనన్న చిరు సంకల్ప బలమే
ఎన్నో ఆశయాలకు నాంది అవుతుంది
నేనూ ఎదుర్కోగలనన్న ధైర్యమే
ఎన్ని కష్టాలను అయినా నీరుగారుస్తుంది
నేనూ ఓర్చుకోగలనన్న సహనమే
ఎన్నో ఒడిదుడుకుల నుంచి తప్పించగలదు
నేనూ అనుక్షణం చిందించగలనన్న చిరునవ్వే
ఎన్నో సమస్యలను తీర్చే అస్త్రమవుతుంది
నాకోసం ఒకరున్నారన్న చిరుధ్యాసే
జీవితంపై ఆశ పెంచుతుంది
నాకూ అంబరమంతా హృదయం ఉందన్న భావనే
ఏదేమైనా స్వీకరించే తత్వాన్ని సొంతం చేస్తుంది
అందరూ నావారే అన్న చిన్న ఆత్మీయతే
ఎందరినో దగ్గర చేస్తోంది
నేను సైతం సమిధనౌతానని ముందుకొస్తే
కర్మలన్నీ యజ్ఞాలై సమాజానికి వరమవుతావు
– డా.మంగళ మక్కపాటి,
హైదరాబాద్‌
తాజా వార్తలు
