అడివి శేష్‌ ఫస్ట్‌ పాన్‌ ఇండియా మూవీ 'మేజర్‌' 26/11 హీరో మేజర్‌ సందీప్‌ ఉన్నికష్ణన్‌ జీవితం ఆధారంగా అత్యంత ప్రతిష్టాత్మకంగా తెరకెక్కుతున్న ఈ చిత్రం తెలుగు, హిందీ భాషల్లో ఏకకాలంలో చిత్రీకరించారు. తెలుగు, హిందీ, మలయాళం భాషలో ఈ చిత్రం ప్రపంచ వ్యాప్తంగా జూన్‌ 3న విడుదల కానుంది. పాన్‌ ఇండియా మూవీగా తెరకెక్కిన 'మేజర్‌'లో.. మేజర్‌ సందీప్‌ బాల్యం, యవ్వనం, సైన్యంలో పని చేసిన అద్భుతమైన ఘట్టాలు, ముంబై దాడిలో వీరమరణం.. ఇలా మేజర్‌ సందీప్‌ జీవితంలోని అపూర్వ సంఘటనలు, అతని జీవితానికి సంబంధించిన విభిన్న కోణాలను ఈ చిత్రంలో కళ్ళకు కట్టినట్టు గ్రిప్పింగా చూపించబోతున్నారు. ఈ చిత్రం విడుదలైన మొదటి పాట హదయం సంగీత ప్రియులను ఆకట్టుకుంది. ఈ పాటలో ప్రేమ కథని అందంగా చూపించారు. శ్రీచరణ్‌ పాకాల సంగీతం అందించిన ఈ చిత్రం నుండి సెకెండ్‌ సింగల్‌ ''ఓV్‌ా ఇషా' వీడియో సాంగ్‌ మే 18న చిత్ర యూనిట్‌ విడుదల చేయనుంది. ఈ సందర్భంగా రిలీజ్‌ చేసిన పోస్టర్‌లో శేష్‌, సాయి మంజ్రేకర్‌ జోడి బ్యూటీఫుల్‌ అండ్‌ లవ్లీగా కనిపించారు. శశి కిరణ్‌ తిక్క దర్శకత్వం వహించిన ఈ చిత్రాన్ని మహేష్‌ బాబు జీఏంబీ ఎంటర్‌టైన్‌మెంట్‌, ఏ ప్లస్‌ ఎస్‌ మూవీస్‌తో కలిసి సోనీ పిక్చర్స్‌ ఫిల్మ్స్‌ ఇండియా భారీగా నిర్మించింది.ఈ చిత్రానికి వంశీ పచ్చిపులుసు సినిమాటోగ్రఫీ అందించారు. 2022లో అత్యంత ఆసక్తిగా ఎదురుచూస్తున్న చిత్రాలలో మేజర్‌ చిత్రం ముందువరుసలో వుంది.
