అయిదేండ్లు సాలు
అయిదు తరాలకు
సరిపోయేటంత
సర్దుకోవచ్చు
కొండల్ని పిండిజేసి
మట్టిని తవ్వుక పోవాలె
గుట్టల గుండెల్ల
గడ్డపారలు దించి
గ్రానైట్లు చెయ్యాలె
బీడి కాడోన్ని సూసి
బట్టెబాజ్‌ మాటల్జెప్పాలె
ఖాళిభూమి కనిపిస్తె
కబ్జజెయ్యాలె
అయిదేండ్ల పొద్దు
అయిపోకముందే
ఫామ్‌ హౌజ్‌ కట్టుకొని
కంచేసుకోవాలె
కుర్చిమీద నేను కూసుంటే
నువ్వు నోర్మూసుకో
నువ్వు కూసుంటె
నేను నోర్మూసుకుంట
అనుకొని ఇద్లరుగల్సి
ఊళ్ళు పంచుకోవాలె
అయిదేండ్లప్పటికి
అన్ని మర్సిపోయి
అయిదేలకోసం
అంగలార్చెటోళ్ళు
ఓట్ల సంతలనాడు
ఎదురు సూస్తనే ఉంటరు
కొత్తనూకలు సల్లి
వలలు పర్సుడే ఇగ
మల్లకుర్సి దొర్కితె సరిపాయె
లేకపోతె గోడమీదెక్కి
రెండుదిక్కుల సూడాలె
అందినకాడ్కి అప్పుజెయ్యాలె
మంది మొకాలకు
పంగనామాలు పెట్టాలె
ఖద్దరు తెల్లంగోల్లు
ఎన్కటిలాక లేరు మామ
అంత మారిపోయింది
అసలు అర్థమే మారిపోయింది..
– అంకం మనోహర్‌
9492503339
