ప్రీ క్వార్టర్ ఫైనల్లో కొలంబియాపై పెనాల్టీ షూటౌట్లో గెలుపు
వాంకోవర్(కెనడా): ఉత్కంఠభరితంగా సాగిన ఫిఫా వరల్డ్ కప్ చివరి ప్రీ క్వార్టర్ ఫైనల్లో స్వీట్జర్లాండ్ గెలిచింది. వాంకోవర్ స్టేడియం వేదికగా బుధవారం జరిగిన ప్రీ క్వార్టర్ ఫైనల్లో స్విట్జర్లాండ్ షుటౌట్ లో 4-3 తేడాతో కొలంబియాను ఓడించింది. నిర్ణీత, అదనపు సమయం ముగిసేసరికి ఏ జట్టూ గోల్ చేయలేదు. పెనాల్టీ షూటౌట్లో విజయంతో స్విట్జర్లాండ్ 72 ఏళ్ల తర్వాత ప్రపంచకప్ క్వార్టర్ ఫైనల్స్ కు చేరింది. స్విట్జర్లాండ్ తన ఫీఫా ప్రపంచ కప్ చరిత్రలో నాల్గవసారి క్వార్టర్ ఫైనల్స్కు చేరింది. ఈ జట్టు 21వ శతాబ్దంలో గత మూడు ఎడిషన్లతో సహా నాలుగు సార్లు రౌండ్ ఆఫ్ 16కు చేరుకుంది. 1954 తర్వాత స్విట్జర్లాండ్ క్వార్టర్ ఫైనల్స్లో స్థానం సంపాదించడం ఇదే మొదటిసారి. పెనాల్టీ షూటౌట్లో డేవిన్సన్ సాంచెజ్ బంతిని నెట్లోకి పంపడంలో విఫలమవ్వడంతో కొలంబియాకు ఆరంభంలోనే ఎదురుదెబ్బ తగిలింది. కుచో హెర్నాండెజ్ చేసిన ప్రయత్నాన్ని గోల్ కీపర్ అడ్డుకున్నాడు. స్విట్జర్లాండ్కు చెందిన రూబెన్ వర్గాస్ గోల్ చేశాడు. ఈ మ్యాచ్లో ఇరు జట్లు కూడా మంచి గోల్ చేసే అవకాశాలను సృష్టించుకోవడం లో విఫలమయ్యాయి. వారికి గోల్ చేయడానికి చాలా తక్కువ అవకాశాలు లభించాయి. మ్యాచ్ అదనపు సమయానికి దారితీసింది. ఆ సమయంలో కొంత ఉత్సాహం నెలకొంది. కొలంబియాకు చెందిన జాన్ లుకుమి హెడర్కు ప్రయత్నించగా.. స్విస్ ప్రత్యామ్నాయ ఆటగాడు జాకీ అమ్డౌని దానిని అడ్డుకున్నాడు. అంతకుముందు.. అర్జెంటీనా జట్టు 3-2 తేడాతో ఈజిప్ట్పై గెలిచి క్వార్టర్ ఫైనల్కు చేరిన విషయం తెలిసిందే. యాసర్ ఇబ్రహీం (15వ నిమిషం) ముస్తఫా జికో (67వ నిమిషం) గోల్స్ చేయగా... మ్యాచ్ చివరి 14 నిమిషాల్లో అర్జెంటీనా తరఫున క్రిస్టియన్ రొమెరో (79వ నిమిషం), లియోనెల్ మెస్సీ (83వ నిమిషం) ఎంజో ఫెర్నాండెజ్ (93వ నిమిషం)లో గోల్స్ చేశారు. ఆదివారం జరిగే క్వార్టర్ ఫైనల్లో అర్జెంటీనాతో స్విట్జర్లాండ్ తలపడనుంది.
స్విట్జర్లాండ్ గోల్కీపర్ కోబెల్ మెరుపులు...
కొలంబియాపై గెలుపులో స్విట్జర్లాండ్ గోల్ కీపర్ గ్రెగర్ కోబెల్ కీలకపాత్ర పోషించాడు. ఇరుజట్ల ఆటగాళ్లు కొట్టిన పెనాల్టీలతో 3-3తకొట్టిన ఉన్నాయి. ఆ దశలో ఐదో, చివరి ప్రయత్నంలో కొలంబియా స్టార్ కుచో హెర్నాండెజ్ కొట్టిన పెనాల్టీ కిక్ను కోబెల్ అద్భుతంగా డైవ్ చేసి అడ్డుకున్నాడు. ఆ తర్వాత వచ్చిన స్విస్ సబ్స్టిట్యూట్ రూబెన్ వర్గాస్ బంతిని కొలంబియా గోల్ పోస్ట్లోకి పంపి చారిత్రాత్మక విజయాన్ని అందించాడు. తొలి పెనాల్టీ షూటౌట్లో కొలంబియా ఆటగాడు డెవిన్సన్ సాంచెజ్ కొట్టిన షాట్ క్రాస్బార్కు తగిలి బయటకు వెళ్లగా.. స్విస్ ఆటగాడు మాన్యుయెల్ కూడా గోల్ చేయడంలో విఫలమయ్యాడు.
కామెంట్లు (0)