నీకు అది చెట్టు
నాకు కాలం చేసిన గాయం
నా కొమ్మలు నేలకూలాయి
కానీ నా అంతరంలో
ఇంకా జీవం మిగిలే ఉంది
రాత్రంతా
చంద్రుడు నా గాయాలపై
వెన్నెల పరిచాడు
ఉదయాన్నే
ఎవరికీ వినిపించకుండా
ఒక చిగురు నవ్వింది -
కొమ్మలు నరికేయవచ్చు
చిగురించే శక్తిని కాదు
గాయాలు చేయవచ్చు
బతకాలనే సంకల్పాన్ని కాదు
అందుకే నేను
మళ్ళీ పచ్చబడుతున్నాను
నిన్ను ఓడించడానికి కాదు
జీవితాన్ని గెలిపించడానికి
మండాది గోపీనాథ్
9885045344
కామెంట్లు (0)