May 13,2022 16:53

ప్రజాశక్తి - పెనుమంట్ర : అసని తుఫాన్ వలన కురిసిన వర్షాలకు కళ్ళాల్లో ధాన్యా మొలకెత్తిందని ఎకరాకు 5 బస్తాలు పైబడి నష్టం వుంటుందని మార్కెట్ ధరప్రకారం  రూ.7 వేల నుండి రూ.10 వేల వరకు రైతులకు నష్టవుంటుందని ఏపీ కౌలు రైతుల సంఘం పశ్చమగోదావరి జిల్లా కార్యదర్శి మామిడిశెట్టి రామాంజనేయులు తెలియజేశారు. కౌలు రైతుల సంఘం ఆద్వర్యంలో మండలంలోని పెనుమంట్ర, బ్రహ్మణచెరువు, భట్లమాగుటూరు, ఆలమూరు గ్రామాల్లో పర్యటించి తడిసన ధాన్యాన్ని పరిశీలించారు. ఈ సందర్భంగా ఆ సంఘం జిల్లా కార్యదర్శి రామాంజనేయులు, జిల్లా ఉపాధ్యక్షులు కేతాగోపాలన్ మాట్లాడుతూ ప్రభుత్వ నిర్లక్ష్యంతో కౌలు రైతుల ధాన్యాన్ని అయిన కాడకి అమ్ముకుంటున్నారని కనీసం వారు ధాన్యం అమ్ముకుందామన్న ప్రభుత్వ నిబంధనల వలన రైతు భరోసా కేంద్రాల్లో ధాన్యం అమ్మే పరిస్థితిలేదన్నారు. దీనికి తోడు రైతు భరోసా కేంద్రాలు పట్టించుకోక పోవటంతోనూ, వర్షాబావ పరిస్థితులను ఆసరా చేసుకొని బ్రోకర్లు ధాన్యం తక్కవ రేటుకి కొని అయిన కాడకు దోచుకుంటున్నారని ఆవేదన వ్యక్తంచేశారు. తక్షణమే సంబంధిత అధికారులు స్పందించి తేమశాతంతో సంబందం లేకుండా తడిసిన ధాన్యాన్ని కొనుగోలు చేసి కౌలు రైతులను ఆదుకోవాలని డిమాండ్ చేశారు. కౌలు రైతులు జోగి చినకొండ, బొక్కా వెంటేశులు, కుక్కల శంకరుడు, కవురు నవీన్, కవురు లక్ష్మి, పెచ్చెట్టి సత్యనారాయణ ,తాడి శ్రీనివాసు పాల్గోన్నొరు.