అహ్మదాబాద్‌ : గుజరాత్‌ అహ్మదాబాద్‌లోని ఓ రెసిడెన్షియల్‌ అపార్ట్‌మెంట్‌లో ఏడో అంతస్తులో మంటలు చెలరేగాయి. దీంతో అందులోని నివాసితులు తీవ్ర భయాందోళనలకు గురయ్యారు. ప్రాణాలను దక్కించుకోవడానికి అపార్ట్‌మెంట్‌ నుంచి దూకారు. ఓ మహిళ ఎంతో ధైర్యంగా తన ఇద్దరు పిల్లల్ని స్థానికుల సహాయంతో కింద అపార్ట్‌మెంట్‌లోకి పంపింది. అలాగే తాను కూడా ఎంతో సాహసంతో కింద అపార్ట్‌మెంట్‌లోకి దూకింది. ప్రస్తుతం ఈ వీడియో సోషల్‌మీడియాలో వైరల్‌గా మారింది.
కాగా, అపార్ట్‌మెంట్‌లో అగ్నిప్రమాదం జరిగిందని సమాచారం తెలుసుకున్న వెంటనే అగ్నిమాపక సిబ్బంది హుటాహుటిన అక్కడికి చేరుకుని మంటల్ని అదుపుచేశారు. అలాగే అపార్ట్‌మెంటులోని 18 మందిని సురక్షితంగా రక్షించారు. ఈ అగ్నిప్రమాదంలో ప్రాణ నష్టం సంభవించలేదు. షార్ట్‌సర్క్యూట్‌ కారణంగా ప్రమాదం జరిగినట్లు అధికారులు తెలిపారు.
અમદાવાદના ખોખરા વિસ્તારમાં પરિષ્કર-1 બિલ્ડીંગમાં આગ. સુરતની તક્ષશિલા જેવા ભયાનક બચાવ દ્રશ્યો.
ક્યાં છે ફાયર સિસ્ટમ અને ફાયરબ્રિગેડ?#firerescue #fire #gujarat #Ahmedabad #Ahmedabadmayour pic.twitter.com/xFPQZkFFR8— Dilip Patel દિલીપ પટેલ (@dmpatel1961) April 11, 2025
