పశ్చిమ బెంగాల్: కొన్ని రోజుల క్రితం నార్త్ 24 పరగణాస్‌లోని సాగూర్ దత్తా మెడికల్ కాలేజ్ అండ్ హాస్పిటల్ (MCH)లో వైద్యులు మరియు వైద్య సిబ్బందిపై దాడి వ్యతిరేకంగా పశ్చిమ బెంగాల్‌లోని ప్రభుత్వ ఆసుపత్రులలోని వేలాది మంది జూనియర్ డాక్టర్లు మళ్లీ సమ్మె చేస్తామని హెచ్చరించారు. సోమవారం (సెప్టెంబర్ 30, 2024) జరగనున్న సుప్రీంకోర్టు విచారణ కోసం తాము ఎదురుచూస్తున్నామని, పరిస్థితి మెరుగుపడకపోతే సమ్మెకు దిగుతామని పశ్చిమ బెంగాల్ జూనియర్ డాక్టర్స్ ఫ్రంట్ ప్రతినిధులు తెలిపారు. “మేము ప్రభుత్వానికి కొంత సమయం ఇవ్వాలనుకుంటున్నాము. పరిస్థితి మారకపోతే, సోమవారం సాయంత్రం నుండి సమ్మెను మళ్లీ ప్రారంభిస్తాము ”అని ఒక ప్రతినిధి చెప్పారు. మహిళా రెసిడెంట్ డాక్టర్‌పై అత్యాచారం వ్యతిరేకంగా నిరసన తెలిపిన వైద్యులను తిరిగి విధుల్లోకి తీసుకురావాలని రాష్ట్ర ప్రభుత్వం పలు దఫాలుగా చర్చలు జరిపింది. జూనియర్ డాక్టర్లకు ప్రభుత్వ అధికారులు ఇచ్చిన హామీలు నెరవేరకపోవడంతో.. సెప్టెంబరు 28న జూనియర్ డాక్టర్లు పశ్చిమ బెంగాల్ చీఫ్ సెక్రటరీ మనోజ్ పంత్‌కు ఇమెయిల్ పంపారు. రాష్ట్ర ప్రభుత్వం “ఇంకా నెరవేర్చాల్సిన” డిమాండ్‌లను పునరుద్ఘాటించారు. రెండు పేజీల లేఖలో, పశ్చిమ బెంగాల్ జూనియర్ డాక్టర్ల ఫోరమ్ ప్రతినిధులు సెప్టెంబర్ 18న రాష్ట్ర సచివాలయంలో జరిగిన తమ సమావేశాన్ని ప్రస్తావించారు. పంత్ తమ డిమాండ్లకు సాధనకు హామీ ఇచ్చారని చెప్పారు. కాని ఇప్పటికీ నెరవేరలేదని పేర్కొన్నారు.
తాజా వార్తలు
