తిరువనంతపురం : ఎస్‌డిపిఐ మద్దతుతో రాష్ట్రంలోని నాలుగు స్థానిక ప్రభుత్వ సంస్థల్లో ఎల్‌డిఎఫ్‌ అధికారంలో ఉందని తప్పుడు వార్తను ప్రచురించిన మలయాళ మనోరమ దినపత్రికకు కేరళ సిపిఎం లీగల్ నోటీసు పంపింది. మలయాళ మనోరమ కంపెనీ, ప్రింటర్ అండ్ పబ్లిషర్ జాకబ్ మాథ్యూ, చీఫ్ ఎడిటర్ మమ్మన్ మాథ్యూ, ఎడిటర్ ఫిలిప్ మాథ్యూ, మేనేజింగ్ ఎడిటర్ జాకబ్ మాథ్యూ, ఎడిటోరియల్ డైరెక్టర్ జోస్ పనచిప్పురంపై కేరళ సిపిఎం రాష్ట్ర కార్యదర్శి ఎంవీ గోవిందన్ లీగల్ నోటీసు పంపారు. తిరువనంతపురం నగరూర్ గ్రామ పంచాయతీ, పతనంతిట్ట మున్సిపాలిటీ, కొట్టంగల్ గ్రామ పంచాయతీ, నగరూర్‌లోని పాలక్కాడ్ ఒంగళ్లూరు గ్రామ పంచాయతీలలో సీపీఐ(ఎం) అధికారంలో ఉందని నవంబర్ 26న వార్తలు వచ్చాయి. నగరూరు, ఒంగళ్లూరులో ఎల్‌డీఎఫ్‌కు మెజారిటీ ఉంది. పతనంతిట్ట మున్సిపాలిటీలో ఇండిపెండెంట్లు ఎల్‌డిఎఫ్‌కు మద్దతు పలికారు. ఈ వాస్తవాలు, వివరాలపై స్పష్టత ఇవ్వకుండా మనోరమ ప్రజలను తప్పుదోవ పట్టించే విధంగా వార్తలు ఇచ్చిందని పేర్కొన్నారు.
తాజా వార్తలు
