గౌహతి : అస్సాంలోని దిమా హసావో జిల్లాలోని బొగ్గు గనిలో మంగళవారం తొమ్మిది మంది కార్మికులు చిక్కుకుపోయారు. ఇప్పటికి ఆరుగురు మృతదేహాలను రెస్క్యూ బృందం వెలికి తీశారు. ఈ క్రమంలో ఈ దుర్ఘటన జరగడానికి ప్రధాన కారణం అక్రమ మైనింగ్ అని కాంగ్రెస్ ఎంపి గౌరవ్ గగోరు ఆరోపించారు. అస్సాం రాష్ట్రంలో బలహీనతమైన చట్టాల అమలు, స్థానిక సంక్లిష్టత కారణంగా అక్రమ మైనింగ్ అదుపు లేకుండా కొనసాగుతోందని గగోరు ఆరోపించారు. ఈ మేరకు శనివారం ఆయన ప్రధాని మోడీకి లేఖ రాశారు. బొగ్గు గని విషాద ఘటనపై సిట్ విచారణ జరిపించాలని గగోరు ఆ లేఖలో పేర్కొన్నారు. ఈ ఘటనకు బాధ్యులైన వారిపై చర్యలు తీసుకోవాలి. భద్రత, అవినీతి, పర్యావరణ హాని వంటి సమస్యలను కూడా పరిష్కరించాలని గగోరు మోడీకి రాసిన లేఖలో కోరారు. బాధిత కుటుంబాలకు న్యాయం జరగాలని, భవిష్యత్తులో ఇలాంటి ఘటనలు జరగకుండా చూడాలని గగోరు లేఖలో పేర్కొన్నారు.
mining tragedy : సిట్ విచారణ జరపాలి : ప్రధానికి కాంగ్రెస్ ఎంపి గౌరవ్ గగోరు లేఖ
తాజా వార్తలు
