ఢిల్లీ: ఢిల్లీలో మార్చి 11(మంగళవారం) ఈ ఏడాది అత్యంత ఉష్ణోగ్రత కలిగిన రోజుగా నమోదైంది. గరిష్ట ఉష్ణోగ్రత 34.8 డిగ్రీల సెల్సియస్‌కు పెరిగింది. ఇది సాధారణం కంటే 6.4 డిగ్రీలు ఎక్కువ అని భారత వాతావరణ శాఖ (ఐఎండి) తెలిపింది. ఐఎండి ప్రకారం, ఇటీవల అత్యధిక ఉష్ణోగ్రత ఆదివారం 32.8 డిగ్రీల సెల్సియస్‌గా నమోదైంది. మంగళవారం కనిష్ట ఉష్ణోగ్రత 15.7 డిగ్రీల సెల్సియస్‌గా నమోదైంది. నగరంలో తేమ స్థాయిలు 87% మరియు 35% మధ్య హెచ్చుతగ్గులకు గురయ్యాయి. బుధవారం పగటిపూట బలమైన ఉపరితల గాలులు వీస్తాయని ఐఎండి అంచనా వేసింది. కనిష్ట, గరిష్ట ఉష్ణోగ్రతలు వరుసగా 17 డిగ్రీల సెల్సియస్, 34 డిగ్రీల సెల్సియస్‌గా నమోదవుతాయని అంచనా వేసింది. ఢిల్లీ వాయు నాణ్యత సూచిక (ఎక్యూఐ) ‘పేలవమైన’ జాబితాలో 262 వద్ద ఉందని కేంద్ర కాలుష్య నియంత్రణ బోర్డు తెలిపింది.
తాజా వార్తలు
