అమరావతి : ఆంధ్రప్రదేశ్‌ టీచర్‌ ఎలిజిబిలిటీ టెస్ట్‌ పరీక్ష హాల్‌ టికెట్లను శనివారం రాత్రి విడుదల చేశారు. ఇందుకు సంబంధించిన రాత పరీక్షలు అక్టోబర్‌ 3వ తేదీ నుంచి ప్రారంభం కానున్నాయి. అక్టోబర్‌ 20వ తేదీ వరకు ఈ పరీక్షలు జరుగుతాయి. ఈ పరీక్షలను కంప్యూటర్‌ బేస్డ్‌ టెస్టు విధానంలో నిర్వహించనున్నారు. టెట్‌ అధికారిక వెబ్‌ సైట్‌ నుంచి హాల్‌ టికెట్స్‌ ను డౌన్‌ లోడ్‌ చేసుకోవాలని అధికారులు సూచించారు. టెట్‌ పరీక్షలు రెండు సెషన్లలో 18 రోజులు పాటు జరుగుతాయి. మొదటి సెషన్‌ ఉదయం 9 గంటల 30 నిముషాల నుంచి మధ్యాహ్నం 12 గంటల వరకు జరుగుతుంది. ఇక రెండో సెషన్‌ మధ్యాహ్నం 2 గంటల 30 నిముషాల నుంచి సాయంత్రం 5 గంటల వరకు జరుగుతుంది.
హాల్‌ టికెట్లు డౌన్‌ చేసుకోండిలా …
ఏపీ టెట్‌ అభ్యర్థులు https://aptet.apcfss.in వెబ్‌ సైట్‌ లోకి వెళ్లాక అక్కడ హోం పేజీలో కనిపించే AP TET Hall Tickets(July) 2024 అనే ఆప్షన్‌ పై క్లిక్‌ చేయండి.
ఇక్కడ అభ్యర్థి Candidate ID, పుట్టిన తేదీతోపాటు వెరిఫికేషన్‌ కోడ్‌ ను ఎంటర్‌ చేయాలి.
లాగిన్‌ పై క్లిక్‌ చేస్తే టెట్‌ హాల్‌ టికెట్‌ డిస్‌ప్లే అవుతుంది.
ప్రింట్‌ లేదా డౌన్‌ లోడ్‌ ఆప్షన్‌ పై నొక్కి కాపీని తీసుకోవాలి.
పరీక్ష కేంద్రంలోకి వెళ్లాలంటే హాల్‌ టికెట్‌ తప్పనిసరిగా ఉండాలి.
