ప్రభుత్వ ధనం దుర్వినియోగంపై ఫేక్‌ నోట్‌.. కేసు నమోదు

Jun 9,2024 16:45 #Case, #fake note

హైదరాబాద్‌: తెలంగాణ ప్రభుత్వం టీఎస్‌కు బదులు టీజీ మారిస్తే భారీగా ప్రభుత్వ ధనం ఖర్చు చేయాల్సి వస్తుందంటూ ఫేక్‌నోట్‌ను వ్యాప్తి చేస్తున్న వారిపై కేసు నమోదైంది. టీఎస్‌ నుంచి టీజీగా పేరు మార్పునకు రూ.2,767 కోట్లు ఖర్చవుతాయని సైబర్‌ నేరగాళ్లు ఓ ఫేక్‌నోట్‌ను రూపొందించారు. దీనిపై విచారణ చేసిన సైబర్‌ క్రైమ్‌ పోలీసులు.. దాన్ని సృష్టించిన వారిపై కేసు నమోదు చేశారు. సోషల్‌ మీడియాలో ఫేక్‌నోట్‌ ప్రచారం కావడంపై ప్రభుత్వం సీరియస్‌ కావడంతో ఈ మేరకు చర్యలు తీసుకున్నారు. ఇలాంటి అసత్యాలు ప్రచారం చేసే వారి పట్ల అప్రమత్తంగా ఉండాలని ఈ సందర్భంగా ప్రభుత్వం విజ్ఞప్తి చేసింది.

➡️