అమరావతి : గౌతమిపై అత్యంత అమానవీయంగా వ్యవహరించిన సైకోని కఠినంగా శిక్షిస్తామని మంత్రి లోకేష్‌ ట్విట్టర్‌ వేదికగా హామీ ఇచ్చారు. శుక్రవారం అన్నమయ్య జిల్లాలో ఓ యువతిపై ఉన్మాది యాసిడ్‌తో దాడి చేసిన ఘటనపై లోకేష్‌ స్పందించారు. అన్నమయ్య జిల్లా గుర్రంకొండ మండలం ప్యారంపల్లెకు చెందిన గౌతమి (23) పై యాసిడ్‌ దాడి ఘటన తీవ్ర ఆందోళనకు గురి చేసిందని లోకేష్‌ పేర్కొన్నారు. ఆ సోదరికి మెరుగైన వైద్య సాయం అందించి అండగా నిలుస్తామన్నారు. గౌతమిపై అత్యంత అమానవీయంగా వ్యవహరించిన సైకోని కఠినంగా శిక్షిస్తామని హామీ ఇచ్చారు. భవిష్యత్తులో మరో చెల్లిపై ఇలాంటి ఘటనలు జరగకుండా పోలీసు యంత్రాంగం చర్యలు చేపట్టాలని కోరుకున్నట్లు ట్విట్టర్లో పేర్కొన్నారు.
తాజా వార్తలు
