హెడ్‌కోచ్‌ పదవి రేసులో ఐదుగురు

ముంబయి: టీమిండియా హెడ్‌ కోచ్‌ పదవికి బిసిసిఐ సెలెక్ష‍న్‌ కమిటీ ఐదుగురిని ఇంటర్వ్యూ చేసింది. గౌతం గంభీర్‌ పదవీకాలం ముగియనున్న క్రమంలో తాజాగా హెడ్‌కోచ్‌ పదవికి బిసిసిఐ ఇంటర్వ్యూలు నిర్వహిస్తోంది. వీరిలో ముంబయికి చెందిన వసీం జాఫర్‌, రమేష్‌ పొవార్‌తోపాటు బరోడాకు చెందిన సలీల్‌ అంకోలా ఉన్నారు. అలాగే విదేశాలకు చెందిన జాకబ్‌ మార్టీన్‌, కానర్‌ విలియమ్స్‌ కూడా బిసిసిఐ ఇంటర్వ్యూలకు హాజరయ్యారు. అశోక్ మల్హోత్రా మరియు జతిన్ పరాంజపేలతో కూడిన క్రికెట్ సలహా కమిటీ, గురువారం ఇంటర్వ్యూలను నిర్వహించినట్లు బిసిసిఐ అధికారి ఒకరు తెలిపారు. ఐదుగురితో షార్ట్‌లిస్ట్‌ తయారు చేసిన సెలెక్ష‍న్‌ కమిటీ.. ప్రధానంగా ఇద్దరి పేర్లను పరిశీలిస్తున్నట్లు సమాచారం. వసం జాఫర్‌, రమేష్‌ పొవార్‌ ప్రధానంగా హెడ్‌ కోచ్‌ పదవికి అందరికంటే ముందు ఉన్నారు.