- 44 ఏళ్ల తర్వాత పసిడి
- ఒలింపిక్స్‌కు నేరుగా అర్హత
ఐచి-నగోయా: 20వ ఆసియా క్రీడల మహిళల హాకీలో భారత్ అదరగొట్టింది. శుక్రవారం జరిగిన ఫైనల్లో భారత జట్టు 1-0తో ప‌టిష్ట చైనాను ఓడించి 44ఏళ్ల తర్వాత స్వర్ణ పతకంతో మెరిసింది. మ్యాచ్‌లో నమోదైన ఏకైక గోల్ 10వ నిమిషంలో లాల్‌రెమ్‌సియామి లెఫ్ట్ సైడ్ సర్కిల్ నుంచి బంతిని నెట్‌లోకి పంపించి ఆధిక్యాన్ని అందించింది. చైనా ప్లేయ‌ర్ల అటాకింగ్ గేమ్‌ను స‌మ‌ర్థంగా అడ్డుకుంది. వారు సంధించిన పెనాల్టీ స్ట్రోక్‌లను కూడా భారత ఆటగాళ్లు నిర్వీర్యం చేయడంలోనూ సఫలమ య్యారు. హాకీ ర్యాంకింగ్స్‌లో నాలుగో స్థానంలో ఉన్న భారత్ లీగ్ ద‌శ‌లో అన్ని మ్యాచ్‌ల్లోనూ విజ‌యం సాధించింది. ఇదే జోరును ఫైనల్లో చైనాపై కూడా ప్రదర్శించి స్వర్ణ పతకాన్ని ఎగరేసుకు పోయింది. 1982లో ఢిల్లీ వేదిక‌గా జరిగిన ఆసియా గేమ్స్‌లో మహిళల హాకీ జట్టు చివరిసారిగా స్వ‌ర్ణం సాధించింది. ఈ క్రీడల్లో బంగారు పతకం సాధించిన మహిళల హాకీజట్టు 2028 లాస్‌ ఏంజిల్స్‌ ఒలింపిక్స్‌కు నేరుగా అర్హత సాధించింది.
కామెంట్‌లు (0)