వర్చువల్‌గా కోర్టుకు హాజరైన అల్లు అర్జున్‌

తెలంగాణ : సంధ్య థియేటర్‌ తొక్కిసలాట ఘటన కేసుకు సంబంధించి సినీనటుడు అల్లు అర్జున్‌ నాంపల్లి కోర్టుకు వర్చువల్ గా హాజరయ్యారు. షూటింగ్‌ వల్ల వ్యక్తిగత హాజరు నుంచి మినహాయింపు ఇవ్వాలని అల్లు అర్జున్ కోరినట్లు సమాచారం. ఈ క్రమంలో వీడియో కాన్ఫరెన్స్‌ ద్వారా న్యాయమూర్తి ఎదుట విచారణకు హాజరయ్యారు. ఈ కేసుకు సంబంధించి సోమవారం కోర్టుకు హాజరుకావాలని 19 మంది నిందితులకు ఇటీవల నాంపల్లి కోర్టు ఆదేశాలు జారీ చేసింది. దీంతో నిందితులంతా న్యాయమూర్తి ఎదుట హాజరై బాండ్లపై సంతకాలు చేశారు. అనంతరం కేసు విచారణను న్యాయమూర్తి జులై 6కి వాయిదా వేశారు.