ఎన్నికలు జరగకుండా చేయాలన్నదే వైసిపి కుట్ర : బొండా ఉమ

విజయవాడ : ఎలాగైనా ఎన్నికలు జరగకుండా చేయాలన్నదే వైసిపి కుట్ర అని విజయవాడ సెంట్రల్‌ ఎమ్మెల్యే బొండా ఉమ ఆరోపించారు. శుక్రవారం ఆయన మీడియాతో మాట్లాడుతూ .... అభ్యర్థుల చేతిలో నామినేషన్లు లాక్కొని చించేశారని మండిపడ్డారు. విధ్వంసం వైసిపివారు సృష్టించి.. ఆ నెపం టిడిపి పై పెడుతున్నారని ఆక్షేపించారు. పుంగనూరుతోపాటు చాలా చోట్ల వైసిపి విధ్వంసానికి పాల్పడిందని ఆరోపించారు. 2021లో వైసిపి హయాంలో ఎన్నికలు జరిగితే.. అడ్డగోలుగా బెదిరింపులతో ఏకగ్రీవాలు చేయలేదా ? అని ప్రశ్నించారు. దౌర్జన్యాలు, హత్యా రాజకీయాలతో ఎంతమందిని బెదిరించారో ప్రజలందరికీ తెలుసునన్నారు. '' మాచర్లలో నాపైనా హత్యాయత్నం చేశారు.. భగవంతుడి ఆశీస్సులు ఉండబట్టి బయటపడ్డా `` అని చెప్పారు.