హత్యకు గురైన ప్రదేశానికి ఖమేనీ భౌతికకాయం

టెహ్రాన్ : అమెరికా-ఇజ్రాయెల్‌ దాడుల్లో మరణించిన సుప్రీం లీడర్‌ ఆయతుల్లా అలీ ఖమేనీ భౌతికకాయాన్ని ఇరాన్ రాజధాని టెహ్రాన్‌కు తరలించారు. టెహ్రాన్ నుంచి ఫిబ్రవరి 28 న ఆయన హత్యకు గురైన ప్రదేశానికి ఖమేనీ పార్థీవదేహాన్ని చేర్చారు. ‘‘ఎలాంటి ముందస్తు ప్రకటన లేకుండా ఖమేనీ భౌతికకాయాన్ని ఆయన అమరత్వం పొందిన ప్రదేశానికి తరలించారు’’ అని ఇరాన్ మీడియా వెల్లడించింది. అలీ ఖమేనీ అంత్యక్రియల కార్యక్రమం కొన్ని రోజుల పాటు జరగనుంది. ఈ సందర్భంగా .... టెహ్రాన్‌లో జులై 4, 5 తేదీల్లో జరగనున్న ఖమేనీ అంతిమయాత్రకు రికార్డు స్థాయిలో రెండుకోట్ల మంది వస్తారని ఐఆర్‌జిసి అంచనా వేస్తుంది. ఈ అప్రకటిత యాత్రకే భారీ సంఖ్యలో ప్రజలు తరలివచ్చిన దృశ్యాలు వెలుగులోకి వచ్చాయి. ఆయన మద్దతుదారులు నలుపు రంగు దుస్తుల్లో వచ్చి నివాళులు అర్పించారు. పలువురు తీవ్ర ఉద్వేగానికి గురయ్యారు. ఇక ఈ నెల తొమ్మిదో తేదీ వరకు వివిధ ప్రాంతాల్లో ఈ యాత్ర జరగనుంది. ఆ రోజున ఖమేనీ స్వస్థలం మషాద్‌లో ఖననం చేయనున్నారు. ఈ నేపథ్యంలో దేశవ్యాప్తంగా పలు ప్రాంతాల్లో హోర్డింగ్‌లు, బ్యానర్లు వెలిశాయి. ఈ అంత్యక్రియల కార్యక్రమానికి హాజరయ్యేందుకు ఇరాన్‌ నుంచి భారత ప్రధాని మోడికి ఆహ్వానం వచ్చింది. మన దేశం‌ తరఫున కేంద్ర విదేశాంగశాఖ సహాయ మంత్రి పవిత్ర మార్గరిటా, బీహార్‌ గవర్నర్‌ సయ్యద్‌ అతా హస్నైన్‌ హాజరుకానున్నట్లు తెలుస్తుంది.