Print Editionనీలి మేఘం వచ్చింది

నీలి మేఘం వచ్చింది

చల్లని వర్షం కురిసింది

వసుంధరంతా తడిసింది

మామిడి విత్తనం మొలకెత్తింది

రెండు ఆకులు వేసింది

రోజుకు కొంత పెరిగింది

మెండుగా కొమ్మలు వేసింది

కొమ్మకు పువ్వు పూసింది

పువ్వుకు పిందే కాసింది

పిందే కాయ అయ్యింది

కాయ పండై మగ్గింది

మగ్గిన పండు రాలింది

రాలిన పండును పాప చూసింది

పరుగున దగ్గరకు వెళ్లింది

పండును చేత పట్టింది

గబగబా ఇంటికి వచ్చింది

అమ్మకు పండు ఇచ్చింది

అమ్మ పండు కోసింది

చక్కగా ముక్కలు చేసింది

ఇంటిల్లిపాదికీ ఇచ్చింది

నోరు తీపి అయ్యింది

- జాధవ్ పుండలిక్ రావు పాటిల్

94413 33315