Print Edition‘RAPO23’ ప్రారంభం

రామ్ పొతినేని హీరోగా, దర్శకుడిగా తెరకెక్కిస్తున్న ‘RAPO23’ చిత్రం ప్రారంభమైంది. ఈ చిత్రానికి కథను స్వయంగా రామ్ రాసినట్లు చిత్ర బృందం ప్రకటించింది. సోమవారం ప్రారంభమైన ఈ కార్యక్రమానికి సినీ ప్రముఖులు, కుటుంబ సభ్యులు హాజరయ్యారు. నిర్మాత కృష్ణ పొతినేని స్క్రిప్ట్‌ను రామ్‌కు అందజేయగా, సీనియర్ నటుడు మురళీమోహన్ ముహూర్తపు షాట్‌కు కెమెరా స్విచ్ ఆన్ చేశారు. ప్రముఖ నిర్మాత పీవీ రవికిశోర్ క్లాప్ కొట్టగా, తొలి షాట్‌కు రామ్ దర్శకత్వం వహించారు. ఈ చిత్రాన్ని సైకలాజికల్ యాక్షన్ థ్రిల్లర్‌గా రూపొందిస్తున్నారు. నియో నోయర్ బ్యాక్‌డ్రాప్‌లో సాగే ఈ కథలో రామ్ ఇప్పటివరకు కనిపించని కొత్త అవతార్‌లో కనిపించనున్నారని తెలుస్తోంది. ఈ చిత్రాన్ని కృష్ణ పొతినేని నూతనంగా స్థాపించిన ‘రాపో సినిమాటిక్స్’ బ్యానర్‌పై నిర్మిస్తున్నారు. త్వరలోనే నటీనటులు, సాంకేతిక నిపుణులకు సంబంధించిన పూర్తి వివరాలను వెల్లడించే అవకాశం ఉంది.