వెనిజులాకు అర్జెంటీనా మానవతా సాయం

కారకాస్‌ : వెనిజులాలో వరుసగా సంభవించిన భూకంపాల వల్ల తీవ్ర ఆస్తి, ప్రాణ నష్టం సంభవించింది. ఈ నేపథ్యంలో అర్జెంటీనా వెనిజులా మానవతా సాయమందించింది. సహాయక చర్యల్లో పాల్గొనడానికి అర్జెంటీనా ప్రత్యేక సహాయక సిబ్బందిని, సైనిక విమానం, అధునాతన సాంకేతిక పరికరాల్ని వెనిజులాకు పంపింది. అర్జెంటీనా ఎల్ పాలోమార్ స్థావరం నుండి బయలుదేరిన సహాయక బృందం, విరు విరు, మానోస్‌లకు చేరుకుని ఆ విరామాల తర్వాత అరగువాలోని లిబెర్టాడోర్ వైమానిక స్థావరానికి చేరుకుంటుందని అధికారిక వర్గాలు ధృవీకరించాయి. పది గంటల్లో ఈ మిషన్ కార్యకలాపాలు మొదలుపెట్టి, అత్యవసర సహాయం అవసరమైన ప్రజలకు అండగా నిలుస్తుంది. ఈ మిషన్‌‌లో అర్జెంటీనా సైనికులు, మహిళలు, పురుషులు పాల్గొంటారు అని అర్జెంటీనా రక్షణ మంత్రి కార్లోస్ ప్రెస్టీ అన్నారు.