తెలంగాణ అడ్వాన్స్‌డ్‌ సప్లిమెంటరీ పరీక్ష‍ల ఫలితాలు విడుదల

హైదరాబాద్‌ : తెలంగాణ పదో తరగతి అడ్వాన్స్‌డ్ సప్లిమెంటరీ పరీక్షల ఫలితాలు గురువారం విడుదలయ్యాయి. జూన్ 5వ తేదీ నుంచి 12వ తేదీ వరకు అడ్వాన్స్‌డ్‌ సప్లిమెంటరీ పరీక్ష‍లు జరిగిన సంగతి తెలిసిందే. ఈ పరీక్ష‍ల్లోనూ బాలికలు ఆధిక్యతను సాధించారు. మొత్తం 31,736 మంది విద్యార్థులు నమోదు చేసుకోగా.. వారిలో 27,857 మంది పరీక్షలకు హాజరయ్యారు. వీరిలో రికార్డు స్థాయిలో 23,013 మంది విద్యార్థులు ఉత్తీర్ణత సాధించారు. దీంతో మొత్తం ఉత్తీర్ణత శాతం 82.61 శాతంగా నమోదైంది.