Asian Games:స్క్వాష్ మిక్స్‌డ్ డబుల్స్‌లో భారత్‌కు కాంస్యం

ఆసియా క్రీడల్లో భారత్ ఖాతాలో మరో పతకం చేరింది. స్క్వాష్ మిక్స్‌డ్ డబుల్స్‌లో జోష్న చిన్నప్ప, సెంథిల్ కుమార్ జోడీ కాంస్య పతకం సాధించింది. సెమీఫైనల్‌లో హాంకాంగ్‌కు చెందిన టాంగ్ మింగ్ హాంగ్, లీ కా యి జోడీ చేతిలో భారత ద్వయం ఓటమి పాలైంది. దీంతో జోష్న-సెంథిల్ జోడీ కాంస్యంతో సరిపెట్టుకుంది. సెమీఫైనల్ పోరులో భారత జోడీకి హాంకాంగ్ ద్వయం నుంచి గట్టి పోటీ ఎదురైంది. టాంగ్ మింగ్ హాంగ్, లీ కా యి జోడీ విజయం సాధించడంతో భారత జోడీ ఫైనల్‌కు చేరుకోలేకపోయింది. అయితే సెమీఫైనల్ వరకు చేరుకోవడంతో భారత్‌కు కాంస్య పతకం ఖాయమైంది. దీంతో ఆసియా క్రీడల పతకాల పట్టికలో భారత్ ఖాతాలో మరో మెడల్ చేరింది.