సిరియా మాజీ అధ్యక్ష‍ుడు బషర్‌ అల్‌ అసద్‌కు మరణశిక్ష‍

డమాస్కస్‌ : మాజీ అధ్యక్ష‍ుడు బషర్‌ అల్‌ అసద్‌కు సిరియా కోర్టు మంగళవారం మరణ శిక్ష‍ విధించింది. 14ఏళ్లపాటు సిరియాలో కొనసాగించిన హత్యలు, హింస, నియంతృత్వ అరెస్టులు సహా పలు కేసుల్లో ఆయనను నిందితుడిగా నిర్థారించింది. ఆయన గైర్హాజరీలోనే ఈ కోర్టు ఈ శిక్ష‍ను ఖరారు చేసింది. అసద్‌కు వ్యతిరేకంగా నమోదైన మొదటి తీర్పు ఇది. రెబల్స్‌ తిరుగుబాటుతో ఆయన 2024 డిసెంబర్‌లో పదవీచ్యుతుడయ్యారు. డమాస్కస్‌ రాజధానికి పారిపోయిన ఆయన ప్రస్తుతం రష్యాలో ఉన్నట్లు సమాచారం. తన తండ్రి హఫెజ్‌ మరణించిన తర్వాత 2000లో సిరియా అధ్యక్ష‍ుడిగా అసద్‌ బాధ్యతలు చేపట్టారు. అసద్‌ సెక్యూరిటీ అధికారి అతెఫ్‌ నజీబ్‌కి కూడా మరణశిక్ష‍ విధించింది.