గోరుముద్దలు తినిపించే
అమ్మ చందమామ కథలు!
నవ్వుల పువ్వులు పూయించే
మేనమామ హాస్య చతురోక్తులు!
హాయిగా నిద్రపుచ్చే
నాయనమ్మ జోల పాటలు!
పండగంత సందడి తెచ్చే
తాతయ్య తిప్పిన తిరునాళ్ళు!
ఆటపాటలతో అలరించే
అన్నాచెల్లెళ్ళు, స్నేహితులు!
భవిష్యత్తుకు దారిచూపే
నాన్న చూపుడు వేలు!
వెనుదిరిగి చూసుకుంటే
వెంట నడిచే బతుకు చిత్రాలు!
ఎప్పటికీ పదిలపరుచుకో
బాల్య మధుర జ్ఞాపకాలు!!
- తిప్పాన హరి రెడ్డి
9493832412
విజయవాడ
కామెంట్లు (0)