పుట్ట పుట్ట పుట్ట
చెట్టు చేమ చెంత పుట్ట
చీమలు కష్టపడి కట్ట
పాములు తిష్ట వేసునంట!
నింగిని తాకే కొండలు
కొండలపై రాతి బురుజులు
నేలకు బారెడత్తు పుట్టలు
చీమలు నైపుణ్యానికి ఋజువులు!
కోటలు రాజ్య రక్షణ పొంగులు
పుట్టలు చీమల ఆహార గిడ్డంగులు
కోటలు ఆర్భాటాల చెంగులు
పుట్టలు సౌందర్యాల హంగులు!
కోటలు కడతారు రాజులు
పుట్టలు కడతాయి చీమలు
రాజుల పైసలు రాళ్లపాలు
చీమల పుట్టలు పాముల పాలు!
పుట్టకు పాలు పోసి
పామును పూజిస్తారు!
కొండ- కోటలు త్రవ్వి
ఎలుకను తీస్తారు...!
చీమలు కట్టిన పుట్టలు
రాజులు కట్టిన కోటలు
మట్టి పుట్టలు - రాతికోటలు
సాంకేతికతకు నిదర్శనాలు !
- పట్లొళ్ళ బక్కారెడ్డి
97053 15250
కామెంట్‌లు (0)