Print Editionవాన .. హైరానా

వానా వానా వచ్చింది

వాకిలి తడిపీ పోయింది

మొక్కలు నోళ్లు తెరిచాయి

చుక్కలు చుక్కలు పడ్డాయి

​

అమ్మ వద్దనీ వారించింది

తడవొద్దని హెచ్చరించింది

జలుబొస్తుందని గుర్తుచేసింది

వినలేదని గుడ్లురిమింది

​

గొడుగులు బైటికి తీశాము

జోరువానలోకి వెళ్లాము

కడవలు బాగా నింపాము

పడవలు చేసి ఆడాము

​

నాన్న బండి చప్పుడయింది

చివాలున ఇంట్లోకి

గెంతాము

తువాలుతో అమ్మ నించుంది

జుత్తును బాగా తుడిచింది

​

బామ్మ సాంబ్రాణి వేసింది

పకోడీలు పళ్లెంలో పెట్టింది

వేడి పాలనూ అందించింది

నాకూ చెల్లికి ఆకలి తీరింది

– చెన్నాప్రగడ శర్మ,

94405 87567.