బైక్ కు నిప్పంటించిన దుండగులు

ప్రజాశక్తి-చంద్రగిరి (తిరుపతి) : చంద్రగిరిలో నివాసముంటున్న మునిరాజా బుల్లెట్ బైకును గుర్తుతెలియని దుండగులు ఆదివారం అర్థరాత్రి పెట్రోల్ పోసి తగలబెట్టారు. వినాయక చవితి శుభాకాంక్షల బోర్డుల వివాదం వల్లే ఈ దారుణానికి ఒడిగట్టారని బాధితుడు ఆరోపించారు. బైక్ పేలి ఉంటే ప్రాణ, ఆస్తి నష్టం జరిగేదని ఆయన ఆవేదన వ్యక్తం చేశారు. సమాచారం అందుకున్న పోలీసులు ఘటన స్థలానికి చేరుకుని వివరాలు సేకరించారు. సీసీ పుటేజ్ ఆధారంగా దర్యాప్తు చేస్తున్నారు.